Respublika QİÇS-lə Mübarizə Mərkəzi (RQMM) Avropa İİV-ə testləşmə həftəsi- 2020  ilə bağlı Bakıda maarifləndiriçi tədbirlər keçirib. Bu il СOVID-19 pandemiyası ilə bağlı testləşmə həftəsi daha çox əhalinin İnsanın İmmunçatışmazlığı Virusu (İİV) barədə məlumatlandırma xarakteri daşıyıb. 20-27 noyabrda Bakı metrosu stansiyalarının qarşısındaki meydanlarda İİV/QİÇS-lə bağlı broşur, bukletler və digər informasiya materiallrı, habelə tibbi maskalar paylanılıb.

Qeyd edək ki, Avropa İİV-ə testləşmə həftəsi ümumavropa müayinə və maarifləndirmə kampaniyasında Avropanın 55 ölkəsidən çoxsaylı dövlət və ictimai təşkilatlar iştirak edirlər. İlk dəfə "Avropa İİV-ə testləşmə həftəsi” 2013-cü ildə "HİV in Europe”  beynəlxalq təşkilatın təşəbbüsü və Ümumdünya Səhiyyə Təşkilatının himayədarlığı ilə keçirilib. Azərbaycan bu təşəbbüsün elan edildiyi vaxtdan bu panavropa kampaniyasında iştirak edib.

İldə iki dəfə "Avropa İİV-ə testləşmə həftəsi” yaz və payız kampaniyası çərçivəsində Bakı və regionlarda İİV-ə müəyinə və marifləndimə alksiyaları keçirilib. 

Aksiyaların keçirilməsində məqsəd insanların İİV infeksiyasına barədə statuslarını öyrənməsi və bu infeksiyanın gec qoyulmuş diaqnoz problemini azaltmaqdır. Strateji planda Avropa İİV-ə testləşmə həftəsinin məqsədi erkən diaqnostika və müalicəyə başlama sayəsində xəstəliyin yayılmasının qarşısını almaq və İİV infeksiyası epidemiyasına son qoymaqdır. 

COVID-19 pandemiyası ilə bağlı tətbiq olunan karantin rejimini nəzərə alaraq, Respublika QİÇS-lə Mübarizə Mərkəzi, əhali və pasiyentlər üçün əlavə xidmət növlərini gündəlik fəaliyyətinə daxil edib. Karantin rejiminin tətbiqindən əvvəl - hələ mart ayının ortalarından Mərkəz mütəxəssislərinin iştirakı ilə ölkə mənsubiyyətindən asılı olmayaraq, bütün maraqlananlar üçün Azərbaycan, rus və ingilis dillərində "Skype”, "WhatsApp” və "Viber” vasitəsilə məlumatlandırıcı və məsləhətləşmə xidmətini yaradıb. Bu barədə aids.az saytında ətraflı məlumat almaq olar.

Videobağlantı formatında "Evdən çıxmadan məsləhət al” xidmətindən hər kəs istifadə edə bilir.