Fevralın 27-dən martın 3-dək Moldova Respublikasının paytaxtı Kişinyov şəhərində Birləşmiş Millətlər Təşkilatının İİV/QİÇS proqramının (UNAİDS) təşkilatçılığı ilə Şərqi Avropa və Mərkəzi Asiya ölkələrində (EECA İnteract) İİV epidemiyasının milli qiymətləndirilməsini təmin edən Spektrum modelinin işlənməsi üzrə beynəlxalq seminar keçirilib.
Tədbirə region ölkələri üzrə ekspert qrupları dəvət olunub. Azərbaycanı Səhiyyə Nazirliyi Respublika QİÇS-lə Mübarizə Mərkəzinin həkimləri Günəş Cəfərova, Səbuhi Əliyev və Səhiyyə Nazirliyi LƏB üzrə monitorinq və qiymətləndirmə mütəxəssisi Fuad Salmanov təmsil ediblər.
Seminarda İİV-lə mübarizə sahəsində region ölkələrinin təcrübələri və nailiyyətləri barədə məlumatlar dinlənilib, növbəti illərdə icra olunacaq işlərlə bağlı tövsiyələr verilib.
Sonda tədbir iştirakçılarının diqqətinə Azərbaycanın İİV-lə mübarizə sahəsində əldə etdiyi nailiyyətlərdən bəhs edən təqdimat da çatdırılıb.
