Səhiyyə Nazirliyinin Respublika QİÇS-lə Mübarizə Mərkəzi “Azərbaycanda Avropa İİV-ə Testləşmə həftəsi” çərçivəsində bölgələrdə də İnsanın İmmunçatışmazlığı Virusunun (İİV) yayılmasının qarşısını almaq üçün maarifləndirmə aksiyalarını davam etdirir.
Şirvan Regional Laboratoriyasının əməkdaşları Şirvan Şəhər Humanitar və İqtisadiyyat Kollecində, “Elit” Ticarət Mərkəzində, Hacıqabul, Kürdəmir, Sabirabad, Saatlı rayon mərkəzi xəstəxanalarında, digər səhiyyə və sağlamlıq mərkəzlərində, müayinə və maarifləndirmə tədbirləri keçiriblər.
Təhsil ocaqlarında, səhiyyə müəssisələrində işçi və tələbələrə həkimlər İİV/QİÇS-lə bağlı mühazirələr oxuyub, xəstəliyin tarixi, müayinəsi və müalicəsi barədə ətraflı məlumat veriblər.
